Sifuna bona amakhastama wethu asiqale ngokwezinga lomsebenzi esiwethule kilomtlolo. Sizokutjheja ngehloniphio sikwenzele nomsebenzi omuhle okhambisana nemigomo ye-BATHO PELE. Siyazibophelela njengencenye yethu yokunikela ngomsebenzi wezinga eliphezulu, sikunikele ilwazi ekungilo patsi, ilwazi kunye nesizo kiyo yoke imisebenzi yethu.
Umnqopho womtlolo lo
Ukunikela ngepatho eseqophelweni eliphezulu yesizo lezehlalakuhle, ngeendleko ezifaneleko kunye nokusebenzisa ikambiso ekungephambili.
Yini ongayilindela kithi.
Kukhuphula nokuvikela isithunzi sobuntu, Ifihlo, Ihlonipho, Ukuthembeka,Ukuvulekelana kunye noKulinganisana.
Ukunikela ilwazi neseluleko malungana nazo zoke iimali zehlalakuhle ongafaka isibawo sokuzifumana.
Ukudlulisela kamanye amahlangothi angakgona ukuhlangabezana neemfuno zakho.
Ukusiza ukuzalisa amaforomo wethu, nokufaka isibawo semali yehlalakuhle.
Ukuyibamba njengefihlo imininingwana nelwazi osinikela lona.
Hlala siphakamisa umthethosisekelo we-Riphabliki yeSewula Afrika, imithetho elawula umsebenzi wembusweni, kunye nomthetho wokuziphatha wabasebenzi bembusweni.
Ukukusiza ngelimi olithandako.
Ukusebenza ngokubambisana nabantu esibasebenzelako kunye nezinye iinhlangano ezinesandla.
Ukusiphalazela ipucuko eragela phambili yokwenziwa kwemisebenzi kobanyana sizokuhlangabezana neemfuno zakho.
Ukuthintana nathi.
Umsebenzi okusizako osebenzsa ngamakhastama, uzozazisa kuwe bona yena ngubani.
Imibuzo yakho yomtato namkha leyo oyibuza ngokuthi uzizele kithi, sizoyiphendula khonokho.
Nayikhibe siyabhalelwa ukukuphendula khonokho, sizokunikela amabanga walokho, bese siyalazisa ikhastamu bona lingayilindela nini ipendulo.
Sizokuvuma ngomtlolo bona sisikhulumisene nawe, kanti sizokusebenza ngombuzo wakho esikhathini esimalanga alikhomba wokusebenza.
Nayikhibe asikgoni ukukuphendula ngokuzeleko ngamalanga alikhomba wokusebenza, sizokunikela ibanga lalokho nokuthi ipendulo ungayilindela nini.
Sizokulinga ukurarulula nokuphendula umbuzo wakho ngamalanga amatjhumi amabili nanye wokusebenza.
Nayikhibe usidosela umtato , sibinge ukuwuphendula msinyana ngendlela ekukgonakala ngayo umtato wakho, ngelimi elisemthethweni olifunako.
Sizokukhulumisana ngomtlolo nawe ngaso soke isiqunto esithathwako ngemalakho yehlalakuhle.
Ema-ofisini wethu neendaweni zethu zokurholela uzokufumana naku okulandelako:
Ifihlo ngobujamo bakho
Iindawo ezazisako zokulinda isizo.
Izindlu zangasese.
Isizo lezokwelapha , kanti nayikhibe usazise kusenesikhathi ngefuneko enjalo
Sizokuza kuwe nayikhibe unokugula awukgoni ukufika ema-ofisini wethu. Ungasidosela umtato, bese senza amalungiselelo wokuthi size la ukhona.
Ukusebenza ngesibawo sakho semali yehlalakuhle
Sizositjheja khona mhlanokho isibawo sakho.
Kufuze siqinisekise bona ngokomthetho ufanele ukuyifumana imali yehlalakuhle.
Sizibekela lethu inembo lokusebenza ngesibawo sakho nokubhadela imalakho ngamalanga amatjhumi amalithoba.
Sizokululeka ngelungelo lakho lokuzibilayeza mhlamunye nje isibawo sakho nasirarhiweko, sijanyisiwe namkha sisuliwe.
Ukuthatha Iinqunto
Nasithatha Iinqunto ngesibawo sakho semali yehlalakuhle, bese wena ucabange bona siyatjhapha, namkha uthloge eminye imininingwana yesiquntweso, nakhu ongakwenza:
Ukusibawa bona sihlathulule isiquntweso ngokunabileko, kanti sizokusebenzisana nawe esibaweni esinjalo.
Ungazibilayeja ngesiqunto sethu ngamalanga amatjhumi amathathi welanga ekukhutjhwe ngalo incwadi yesiqunto.
Ungakgona ukufumana ifayili yakho ukufumana nanyana ngiliphi ilwazi olithlogako.
Wakho-ke umsebenzi nginaku - Ukusinikela :
I-kheli leposweni nelalapho uhlala khona ekungilo.
Amatjhuguluko akhona epilwenakho njengemrholweni, ikheli, ubujamo bepilo nokhunye.
Ukuthembeka, iqiniso nelwazi elizeleko nekungilo namkha ihlathululo ngaso soke isikhathi.
Ukuphendula okutjhiwo ziincwadi ezivela kithi, ekubalwa hlangana ukubuyekeza namkha elinye nje ilwazi elingafuneka kuwe.
Awukathabi ngomsebenzi wethu?
Nayikhibe awukathabi ngomsebenzi wethu ngebanga lokobana:
Sithethe isikhathi eside khulu ukufaka imalakho/namkha akhange uyifumane ngesikhathi imalakho.
Akhange ukareke ngendlela umsebenzi wethu aziphathe ngakho.
Umsebenzi wethu wenze iphoso esibaweni sakho namkha wakunikela iseluleko ekungasiso.
Ngananyana ngiyiphi iphoso yangabomu/namkha ekungasi ngeyangabomu ehlangothini lethu.
Sibikele ngayo sizoyilungisa khonokho, iphoso eyenziwe ngithi. Nayikhibe ufuna ukufaka isililo, sibawa usitlolele bese ubawa ukudluliselwa etafuleni elisebenza ngamakhastamu.
Sizokukhulumisana nawe ngomsebenzi wethu.
Siyakukarekela ukuzwa imibono yakho ngomsebenzi esikwenzela wona . Ilwazi nosinikela lona sizolisebenzisela ukuphucula umsebenzi wethu. Sibawa uthintane nathi malungana nomsebenzi esiwenzako ngananzi iindlela ezitlolwe ngenzasi:
Zalisa ikarida lombono wekhastamu elitholakala ema-ofisini wethu neendaweni zokurholisa.
Vakatjhela nanyana ngiyiphi indawo esitholakala kiyo . (esiphandeni, endaweni yekhenu, eendaweni la sisizela khona abantu nalapho sirholisela khona)
Imibuzo namkha imibono ngomtlolo lo
Umtlolo lo uyokuthoma ukusebenza ngezi-01/04/2007 kanti uzokunande ubuyekezwa qobe mnyaka ukutjheja nemibono yakho.
Malungana nayo yoke imibuzo onayo ngephiko lezehlalakuhle , dosela umtato enomborweni yethu yasimahla i-: 0800 601 011 namkha uthintane no-
Bathandwa Mlambo
Malungana nayo yoke imibuzo ngokuvikelwa kweemali zehlalakuhle , sibawa udosele umtato enomborweni yasimahla i: 0800 601 011 namkha uthintane no-Bulelwa Mshudulu
Malungana nayo yoke imibuzo ngokuvikelwa kweemali zehlalakuhle , sibawa udosele umtato enomborweni yasimahla i: 0800 601 011 namkha uthintane no-
Malungana nayo yoke imibuzo ngokuvikelwa kweemali zehlalakuhle , sibawa udosele umtato enomborweni yasimahla i: 0800 601 011 namkha uthintane no
Malungana nayo yoke imibuzo ngokuvikelwa kweemali zehlalakuhle , sibawa udosele umtato enomborweni yasimahla i: 0800 601 011 namkha uthintane no-
Malungana nayo yoke imibuzo ngokuvikelwa kweemali zehlalakuhle , sibawa udosele umtato enomborweni yasimahla i: 0800 601 011 namkha uthintane no-
Malungana nayo yoke imibuzo ngokuvikelwa kweemali zehlalakuhle , sibawa udosele umtato enomborweni yasimahla i: 0800 601 011 namkha uthintane no-Lourens Maralack
Malungana nayo yoke imibuzo ngokuvikelwa kweemali zehlalakuhle , sibawa udosele umtato enomborweni yasimahla i: 0800 601 011 namkha uthintane no
